2050թ. Երկրագնդի վրա ավելի քիչ եվրոպացիներ կլինեն. DW. 1in.am

«Երկրի բնակչությունը» (Stiftung Weltbevölkerung) հիմնադրամի տվյալներով՝ 2050թ. Երկրի բնակչության ընդհանուր թվից, եվրոպացիների թիվը կկրճատվի 7․5%-ով, փոխանցում է Deutsche Welle-ն:

Գերմանական հիմնադրամի տվյալներով՝ 2015թ. Երկրի վրա կբնակվի գրեթե 7․3 միլիարդ մարդ: Նրանց թվում. եվրոպացիները՝ 10%, աֆրիկացիները՝ 15%, իսկ ամենամեծ խումբը կկազմեն ասիացիները՝ 60%:

Ընդհանուր առմամբ, մոլորակի բնակչությունը մոտակա 35 տարիներին կավելանա 34%-ով և կհասնի 9․76 միլիարդի:

2050թ. ասիացիների թիվը կկրճատվի մինչև 54%, այն դեպքում, երբ աֆրիկացիների թիվը մոլորակի բնակչության գրեթե մեկ քառորդը կկազմի:

Հիմնադրամի ղեկավար Ռենատ Բերի կարծիքով՝ մոլորակի բնակչության աճը պայմանավորված կլինի զարգացող երկրներում չպլանավորված հղիությունների պատճառով: Նրա խոսքերով՝ եթե յուրաքանչյուր մարդ կարողանար ինքնուրույն որոշել, երբ և որքան երեխա ունենալ, ապա դա կօգներ չպլանավորված հղիությունների թիվը կրճատել 70 տոկոսով:

Հարցեր, պատասխաններ, մեկնաբանություններ